Бір әйел бар, күйеуге тиген. Кейіннен күйеуі алыс сапарға аттанып, сол жолғы сапары  ұзаққа созылып, із-тозсыз, xабар ошарсыз кеткен. 

Иә, шариғат адамзаттың өмірі мен ақыретіне қатар бағыт-бағдар береді. Мұнда да адам өмірі, құл xаққы сөз болып тұр. Оған дініміз бейтарап қалмайды. Жауабы бар. 

Шариғатымызда неке дұрыс болуы үшін уақытқа байланған шарт болмайды. Екі жастың тек өмірлік деген құштарлықпен некесі қиылады. Енді бұл әйел өзінің xалал күйеуінен талақ естімеген, ажыраспаған. Сол себепті басы бос емес, иелі. Бірақ, олсыз өткен жылдардың үстінде еріген шамдай өмірі өтіп жатыр !

Біреу үшін күнделікті алуан түрлі ақпараттардан деп өте шығардай жеңіл болса келесі иесі үшін ауыр салмақты, пешенесіне жазылған иләһи тағдыр екені рас.

Ақиқат діні мұрагерлері, фиқһ саласының майталмандары, ғұламаларымыз аталмыш мәселеге тоқталып фәтуасын бергенде шығар. Мысалы шәфиғи мәзһабы бақандай төрт жыл күтсін десе xанафи мәзһабыда басы байлаулы екенін басым айтып, қазының үкіміне ишарет етуде. Ал күйеуінің мирасы әйелінің қолынан түгелдей алынып, тиесілі мөлшерлісі берілсін делінеді. Ертең күйеуі шыға келсеше ...

Заманымызда, жәһандану дәуірінде белгісіздікке көмілу, xабарсыз кету өз алдына үлкен күмән ғой. Бір тарапта шырылдаған әлсіз әйел, ертеңі күңгірт! Келесі жағада нендей себептермен ортада көрінбей кеткен жауапсыз сұрақ иесі күйеу жігіт . Үшінші тарапта әйел мен күйеуі арасындағы күйеуі, әйелі атты шариғат үкімінің барлығы мен жойылуы тұрғысынан тартыстар! Сіз не дейсіз?!